20. ZEITLUK CAAN SUNG DAH!

Doh is F

1. A va sung dah thangthatnak le pumpak thlacam caan hi, Zumhnak thiang le kan hlasaknak hmunthiangah a hung phan; Biakam sung in a kan lehnak a aw nem cu ka theih, Vaw lei ah thennak um hmanhseh van ah kan i tong lai. Vancung ah kan i tong hna lai, ton thannak a um lai, Jesuh thisen kan zumh caah van ah kan i tong lai.

2. A va sung dah dawtnak thiang hi pum khat a kan siter, Pathian Fapa Jesuh chungah hmun khat ah a kan pumh; Thennak caan phan zau hmanh seh, a bia thiang a kan pek cang, A thluachuahnak kan ruahchan ca’h van ah kan i tong lai. Vancung ah kan i tong hna lai, ton thannak a um lai, Jesuh thisen kan zumh caah van ah kan i tong lai.

3. Thadi zaangbang in um hmanh si, tiva dawh kan phan lai, Hawidawt nih an kan hngahnak hmun a nuammi vanram ah; Thlichia le tilet vialte an lohnak caan a nai cang, Lawmhnak hla kan sa zungzal lai, van ah kan i tong lai. Vancung ah kan i tong hna lai, ton thannak a um lai, Jesuh thisen kan zumh caah van ah kan i tong lai.

Khrihfa Hlabu Tlangpi : 20. ZEITLUK CAAN SUNG DAH!
Online Tialtu : Jason Biak Cin Sang
Rating : 4 From 5

Share on :

Tweet